影片
更多
2020-05-16
1825 瀏覽
自從點心大戰揭起戰幔以來，得益的都是喜歡一盅兩件的朋友，好彩身邊有幾位仁兄肯陪我癲，食完一間又一間，今次「點心兵團」進擊九龍酒店的「龍逸軒」。同樣地，當時「限聚令」未出籠，朋友帶埋兩位無須返學既寶貝出席，成餐飯既平均年紀即刻拉抵至少10年。就算是中午特價時段，仍可以坐到走，真係好窩心，比起「逸東軒」一夠鐘就埋單，少了趕頭趕命的感覺。由於是34 周年，所以推出「34周年精選點心」，顧名思義，每款指定點心只是$34，當中當然有驚喜位。先講幾款必食。沙律醬蝦多士除了叉燒外，另一回本位，$34碟 ? 係酒店食我諗係一件既價錢，事實上炸得啱啱好，蝦膠緊扣麵包，咬落有種酥脆的口感，蘸點埋沙律醬就更可口。蜜汁叉燒$34竟然有脢頭叉燒，仲要童叟無欺，厚切6大件，邊位烤得有點焦香，少少肥肉好啱我，加上蜜味甜美，真係好啱配碗白飯。雪耳魚蓉羹絕對要推介比大家，不單止毫無腥味，魚蓉滑溜，雪耳加強了口感，好味。晶瑩鮮蝦餃賣相飽滿，餃皮擀得平均，隱約見到蝦肉色，蝦肉爽口彈牙，而且摺紋超過十條，絕無偷工減料。食完幾款相信已半飽，其實仲有好多。蟹籽蒸燒賣其實個人不太喜歡加入蟹籽，反而正正常常仲好，不過豬肉質地鬆軟，燒
自從點心大戰揭起戰幔以來，得益的都是喜歡一盅兩件的朋友，好彩身邊有幾位仁兄肯陪我癲，食完一間又一間，今次「點心兵團」進擊九龍酒店的「龍逸軒」。
同樣地，當時「限聚令」未出籠，朋友帶埋兩位無須返學既寶貝出席，成餐飯既平均年紀即刻拉抵至少10年。
就算是中午特價時段，仍可以坐到走，真係好窩心，比起「逸東軒」一夠鐘就埋單，少了趕頭趕命的感覺。
由於是34 周年，所以推出「34周年精選點心」，顧名思義，每款指定點心只是$34，當中當然有驚喜位。
先講幾款必食。
沙律醬蝦多士
除了叉燒外，另一回本位，$34碟 ? 係酒店食我諗係一件既價錢，事實上炸得啱啱好，蝦膠緊扣麵包，咬落有種酥脆的口感，蘸點埋沙律醬就更可口。
蜜汁叉燒
$34竟然有脢頭叉燒，仲要童叟無欺，厚切6大件，邊位烤得有點焦香，少少肥肉好啱我，加上蜜味甜美，真係好啱配碗白飯。
雪耳魚蓉羹
絕對要推介比大家，不單止毫無腥味，魚蓉滑溜，雪耳加強了口感，好味。
晶瑩鮮蝦餃
賣相飽滿，餃皮擀得平均，隱約見到蝦肉色，蝦肉爽口彈牙，而且摺紋超過十條，絕無偷工減料。
食完幾款相信已半飽，其實仲有好多。
蟹籽蒸燒賣
其實個人不太喜歡加入蟹籽，反而正正常常仲好，不過豬肉質地鬆軟，燒賣皮又不會蒸至溶化。
蟹肉菜苗餃
菜苗餃皮比較厚，但餡料清新甜美。
上海小籠包
穩扎穩打，包皮沒有穿破，但肉汁可以再多一些。
時菜牛肉球
突然有少少回到過去感覺，因為好多年無見過用西洋菜墊底的做法，家陣九成以上都係擺腐竹，小部份會放紹菜，牛肉沒太多化學品蹂躪過，幾好。
醬皇蒸鳳爪
絕無蒸得過火，啜落去無話甩皮甩骨，醬汁份量恰好，少少辣幾惹味。
脆皮炸春卷
或者講全日最失色的點心，只差一線就變焦了。
XO 醬蘿蔔糕
切成丁方，賣相好睇好多，而且混和XO醬會好惹味。
是日廚師湯品
雖然是例湯，但好醇厚清甜。
鎮江肴肉
想不到前菜中有肴肉，層次分明，肉味香濃蘸點了陳醋味道更鮮。
白灼時蔬
灼得有點過火。
涼拌黑雲耳
作為前菜小食最好，清爽彈牙，正好挑起食慾。
海皇西施泡飯
材料足，蟹肉蝦仁不手軟，但湯水似乎太多，要快食，否則飯粒泡浸至發漲，影響口感。
四川担担麵
BB辣級數，好香麻醬味，麵條略嫌太腍，個人偏好有嚼口的質感。
乾炒牛河
夠鑊氣，亦乾身，但不喜歡灑上芝麻，配上辣醬食簡直是人間美味。
金菇銀芽炆伊麵
小小的一碗，份量恰好，伊麵炆得軟腍，好有宴會菜中的單尾feel。
其實就算一行6人，真係難以掃餐牌，單係點心已經有蠔皇叉燒包、香煎牛肉包、金勾鹹水角、松子素粉粿及、豉汁蒸排骨及竹笙上素卷無試。
仲有京式醬蹄、五香牛腱同埋玫瑰豉油雞。
甜品類中的冰花雪耳燉萬壽果、生磨黑芝麻糊、香滑奶皇包及燕麥香芒卷已經要放棄。
加上澱粉質既翡翠嫩雞絲煨麵及雪菜火鴨絲炆米粉，實在有好多野無點到。
P.S : $34點心家陣已經推廣完畢，換上了更抵食既兩小時任點，周末折完大概$250左右，平日更抵，折完不到$210。
張貼
