麥當勞 (已結業)

3月7日, 麥當勞35週年, 有個優惠係買任何超值套餐+漢堡包開心樂園餐只需$35. 我地今日就黎咗食, 老謀深算嘅我地當然計過數, 揀個最貴嘅9件麥樂雞餐, 咁樣個開心樂園餐只係要$5.x…哈哈~::: 9件麥樂雞餐 ::: $35呀菲鍾意甜酸醬, 呀比鍾意燒烤醬~ 咁9件麥樂雞就可以跟2隻醬, 可以滿足晒我地,正! 麥樂雞係麥當奴咁多樣食品之中感覺份量冇變嘅, 依舊好味~ 薯條份量就真係少咗… 定係我地大食咗?::: 漢堡包開心樂園餐 :::多$5.x就有漢堡包, 細薯條同細汽水, 不得不佩服我地嘅頭腦, 平平地又食得飽~ 仲有玩具玩添! 不過漢堡包真係好細個! 可能要學下d鬼佬夾d薯條入個包度一齊食先會覺得飽d…不過麥當勞真係唔聲唔聲又加價, 我地都只會喺有coupon或者優惠嘅時候食, 如果唔係價錢同burger king差唔多, 我會食burger king, 話晒人地都係新進駐香港, d包又真係認真製作好味d…