forte (已結業)

見新廣告咁吸引，以前亦多次到訪食半自助餐，感覺都唔錯，所以再次光顧並抱有一定期望。首先上2人份量刺身，三文魚、吞拿魚、油甘魚肉質無光澤，無鮮味。再來一盆凍海鮮，除咗凍蝦合格，其他螺、青口、蜆、蟹腳完全無鮮味。再來泡菜沙律，可能唔啱口味，食剩大半。坐底足足一小時，才上主菜，點了牛柳及肉眼，肉眼尚算ok,牛柳非常淋，但肉味欠奉。食完再order，待應表示牛柳已沽清⋯⋯😨只是8點，全埸少於半數枱有客，就話已沽清？難道晚餐時段由下午已開始？再點西冷、T骨，西冷正常，T骨預咗多筋。食多1 round後掃興而歸。待應見我玩咗45分鐘手機，枱上仍無上菜，都無主動問餸菜到齊未，水杯渴光無主動加水，非常失望，不會有下次。