牛牛日式火鍋放題 (海之戀商場) (已結業)

發現自己春夏秋冬無論咩季節都可以打邊爐，仲要每次都要揀任食個啲🤩因為咁先食得夠盡興。今次試呢間荃灣嘅牛牛日式火鍋放題喺海之戀商場入面，位置十分方便，食完仲可以去Donki買下野添。今次分別試咗兩個唔同嘅湯底，泰酸辣蝦鍋同傳統山椒味噌鍋。傳統山椒味噌鍋就會比起泰式酸辣蝦和香辣嘅味道重一啲，酸辣蝦鍋係偏酸小辣，兩個湯底味道都好濃郁。佢哋嘅海鮮十分之新鮮，賣相好吸引，令人忍唔住即刻想試！海鮮同湯底嘅味道都好夾，湯底雖然龍尾但係並不會蓋過海鮮嘅鮮甜，而且一啲都唔會腥。跟住牛肉方面都有好多唔同嘅位置，咁多款入面最鍾意食丹麥王樣牛小排，因為自己好鍾意食大大塊嘅牛肉，而且牛小排嘅肉質比較軟膩，啱晒我呢啲食肉獸🤭