肥仔生滾湯飯專門店

營業中

休息中

超抵食三餸豬骨湯飯($38)-深水埗真心好多平民價美食，今次就試左叔叔最愛之一既湯飯(真心全場都係叔叔🤣)，最好玩係配料任揀，三款餸，送多個菜煮入去，加埋一大碗飯，都只係$38😻，份量仲要好大，真心抵到爛！不過配料有幾款需要另外加錢，例如蝦、蠔仔，如果想揀既要注意，因為menu上冇寫清楚的😕。-湯底係自家既豬骨湯，幾香，不過唔會好濃，適合加完唔同配料再泡飯食👍🏻。司令試左兩碗唔同既配搭，一碗係排骨+鯇魚+豆腐，排骨帶肥所以好香🐷，鯇魚比既位算係啖啖肉，而且一碗有成四五大舊，好正。另一碗揀左瘦肉+紫菜+鹹蛋，鹹蛋司令認為係必點菜之一，一份有完整一隻😋，鹹蛋油香重，令湯飯帶少許鹹香，有點睛既效果，瘦肉一啲都唔柴，入口彈牙，配埋豬骨湯底，好快就清曬飽到上心口😂。