碼頭故事 (已搬遷) 新店位置

琴晚一行四人去左呢間係尖沙咀既碼頭故事火鍋。同fd約個時覺得呢間舖名幾得意，睇其他食評都話唔錯，就去試試！地點都算方便，近地鐵站，上一層就到。未坐低已經聞都麻辣既火鍋味，正！店舖裝修係行中國宮廷風，坐長凳仿木枱。簡左個湯底之後，職員教我地整調味醬。有別於出面一般火鍋店，佢呢度唔係用豉油做主，係用醋！我本身個人對醋其實無太大好感，但佢講到咁有特色，我就試下。出乎意料之外，幾match打邊爐。點菜啦，打邊爐必食牛！呢度牛既種類都有好多種，我地叫左幾款唔同既牛，各有特色，份量都好足！要介紹下個鴨舌，第一次咁樣食。雖然個賣相不太討好，但食落個味道同質感都幾新鮮，出面應該好少會食到，可以值得一試。整體黎講，會比個好評，坐得舒服，食物又有質素，推薦大家黎試一試！