影片
更多
2012-06-10
59 瀏覽
又嚟回到過去， 寫番１月的食評先。話說我地一行４人， 其中一位係已婚人士， 所以我地年年都搞團拜逗利是。。哈哈。派利是果位提議去北京酒樓， 除咗佢之外， 我地無人去過， 就去試試啦。訂咗８：００ＰＭ， 一上去已經見好多人 （其實如果唔係友人去過， 真係唔識路， 仲要係上樓的）， 好多人， 基本上個個都有訂位的， 所以都係要等， 等咗１５分鐘。食物：海哲：一大碟， 好開心， 因為平時食海哲唔會比咁大一碟， 哈哈。味道， 爽口的。雞絲粉皮：又係一大碟， 好開心。伴上麻醬， 好好食。北京填鴨：份量都幾多， 又多肉，又唔肥， 好食呀。其實有得食北京填鴨令我好開心， 因為我成日覺得要去Ｄ一圍圍菜的地方先有得食， 同埋要好多人先有得叫， 今次４個人都可以叫， 好開心。（當然， 我的意思係如果太少人叫， 咁淨係食得鴨嚟， 都食唔到其他野食）。賽螃蟹：份量好足， 好味， 其實呢個餸用嚟配飯食一流， 不過我地已經太多野食， 無叫飯， 所以就咁食就會咸咗Ｄ。。哈哈。雞油准白：可能係雞油的關係， 勁咸。呢個麻麻地。小籠包：有成１０個咁多， 好勁。不過個皮就厚咗Ｄ， 個涵ＯＫ呀。（送的）高力豆沙：有甜品食，
訂咗８：００ＰＭ， 一上去已經見好多人 （其實如果唔係友人去過， 真係唔識路， 仲要係上樓的）， 好多人， 基本上個個都有訂位的， 所以都係要等， 等咗１５分鐘。
食物：
海哲：一大碟， 好開心， 因為平時食海哲唔會比咁大一碟， 哈哈。味道， 爽口的。
雞絲粉皮：又係一大碟， 好開心。伴上麻醬， 好好食。
北京填鴨：份量都幾多， 又多肉，又唔肥， 好食呀。其實有得食北京填鴨令我好開心， 因為我成日覺得要去Ｄ一圍圍菜的地方先有得食， 同埋要好多人先有得叫， 今次４個人都可以叫， 好開心。（當然， 我的意思係如果太少人叫， 咁淨係食得鴨嚟， 都食唔到其他野食）。
賽螃蟹：份量好足， 好味， 其實呢個餸用嚟配飯食一流， 不過我地已經太多野食， 無叫飯， 所以就咁食就會咸咗Ｄ。。哈哈。
雞油准白：可能係雞油的關係， 勁咸。呢個麻麻地。
小籠包：有成１０個咁多， 好勁。不過個皮就厚咗Ｄ， 個涵ＯＫ呀。
（送的）高力豆沙：有甜品食， 又唔洗＄， 當然開心。不過， 其實都幾＂滯＂吓。
４個人食６個餸， 食唔哂， 有拎走。感覺上呢間係間老店， 侍應都比較＂舊式＂， 不過好彩我地遇上的侍應都幾好人。最唔係就當然係訂咗位都仲要等， 同埋佢喺１／Ｆ， 果條樓梯窄到爆，等位都等得唔舒服， 不過。。。無辦法。
張貼
