影片
更多
2015-01-20
7954 瀏覽
Gathering 最傷腦筋就係搵個坐得舒服嘅餐廳, 野食又要好食, 可以好FREE 咁傾計又無人趕, 今次聚會其中一個fd話比呢間餐廳嘅魚缸吸引左, 所以就提議黎呢到試下。一入到去餐廳就比魚缸吸睛, 哈哈, 餐牌都唔睇, 係咁影相, 又真係幾特別嘅, 玻璃枱下面放魚缸，d魚游來游去, 如果多人食,大張d嘅枱,魚缸會大d, 魚又會大條d架。 但唔係張張都有魚缸係下面, 我地4個女人就被安排左2張2人枱排埋, 所以有2個小魚缸陪伴住, 大人細路都鐘意, 環境唔錯呀, 有特色。我地4個女仔叫左11碟野, 夫妻肺片, 老醋蜇頭, 醋魚塊，羊肉水餃，小籠包, 豬肉餅, 醬爆茄子, 擔擔面, 片皮鴨半隻，鮮荀條子, 拔絲蘋果, 嘩....好厲害呢夫婦肺片 辣味適中好開胃 。 老醋蜇頭有酒味醋味少少辣, 但稍嫌蜇頭有點過硬, 唔係應該仲好食。鮮荀芛第一次食, 唔記得咩名, 幾爽口。本來叫糖醋魚塊, 點知黎錯左, 呢個一般, 相比起來普通左少少 醬爆茄子 係用鐵板上, 原條茄子切一半上面釀左肉,再淋上汁，比魚香茄子更勝一籌 我地幾個想食片皮鴨 好耐, 結果要左半隻，份量唔算多, 每人都有
一入到去餐廳就比魚缸吸睛, 哈哈, 餐牌都唔睇, 係咁影相, 又真係幾特別嘅, 玻璃枱下面放魚缸，d魚游來游去, 如果多人食,大張d嘅枱,魚缸會大d, 魚又會大條d架。 但唔係張張都有魚缸係下面, 我地4個女人就被安排左2張2人枱排埋, 所以有2個小魚缸陪伴住, 大人細路都鐘意, 環境唔錯呀, 有特色。
我地4個女仔叫左11碟野, 夫妻肺片, 老醋蜇頭, 醋魚塊，羊肉水餃，小籠包, 豬肉餅, 醬爆茄子, 擔擔面, 片皮鴨半隻，鮮荀條子, 拔絲蘋果, 嘩....好厲害呢
夫婦肺片 辣味適中好開胃 。 老醋蜇頭有酒味醋味少少辣, 但稍嫌蜇頭有點過硬, 唔係應該仲好食。鮮荀芛第一次食, 唔記得咩名, 幾爽口。本來叫糖醋魚塊, 點知黎錯左, 呢個一般, 相比起來普通左少少 醬爆茄子 係用鐵板上, 原條茄子切一半上面釀左肉,再淋上汁，比魚香茄子更勝一籌
我地幾個想食片皮鴨 好耐, 結果要左半隻，份量唔算多, 每人都有幾塊, 有京蔥青瓜夾, 鴨皮幾香脆, 滿足叫鴨願望呀
羊肉水餃，小籠包, 豬肉餅, 擔擔面都冇影相, 4個女人掛住又傾又講, 邊得閒影吖，哈哈....羊肉餃 好'酥'味，鐘意食羊嘅可能會好鐘意,但我就覺得'酥'左少少
小籠包 皮太厚了！裡面冇乜肉汁,可以唔試。
豬肉餅 係蔥油餅嘅皮, 外脆內有肉汁 ,係清真牛肉餅個fd....
擔擔面 正常水準啦，食到呢一刻,其實已經反肚了 , 但我們幾個又點會放過甜品吖，哈哈, 叫左拔絲蘋果 ...
嘩嘩嘩，賣相好靚呀！
爭住影呀！相機食先...好脆呀個皮, 雖然厚左些少,不過都好好食, 仲有上面拉出來一條條嘅糖絲.....原來食得架, 哈..我以為係裝飾呢 有肚真係要試埋....好愉快嘅一晚
臨走影左個邊爐, 好精緻,可惜太貴了,所以冇打...
張貼
