鳳城酒家

營業中

休息中

有朋友系德國返嚟，帶佢去食懐舊菜，一行六人到這裡食晚飯。炸子雞一隻，好大隻熱辣辣，皮脆肉又多汁，好食。蜆介鯪魚球，炸到啱啱好，而且好香口，但個蜆介汁冇乜蜆肉同埋吾夠味。薑汁炒芥蘭，用上嫩芥蘭遠，加上淡淡薑味，幾好。鳳城炒飯，有獲氣吾太油，料也多。上湯煎粉果，這個比較失色，個粉果皮好似煎炸得吾夠時候。脆皮咕嚕肉，肉不多但好脆口，配料青、紅椒很多，帶點驚喜是配料入面有子薑。估計今日廚房應該嚴重人手不足，由落單到上第一碟薑汁炒芥蘭，等了45分鐘左右。連2罐汽水，埋單 $1052/6位，可以啦。