杏香園 (已結業)

話說去過澳門嘅杏香園之後，見識過佢嘅馬蹄沙之後簡直驚為天人，一直對佢念念不忘，唔係講笑真係有初戀嘅感覺，每隔一排又會掛住佢。好在而家喺香港有兩間分店，掛住佢都唔洗專登去澳門食。今晚食完飯，又掛住佢了，所以幾攰都好都要專登走過嚟九龍城分店食一食！蛋白馬蹄沙 ($43)佢呢個嘅賣相同澳門嘅差不多，就係嗰種好親切嘅感覺！外面嗰啲馬蹄露係開粉，只有甜及成口糊。但呢度嘅係非常真材實料，馬蹄碎及馬蹄沙撈埋一齊好濃稠，啖啖都係成口馬蹄，充滿咬口感，食得非常開心一碗係唔平，但食嘅就係足料！$43就係食初戀嘅感覺！