炑八韓烤 (已結業)

今日灣仔工作，知道炑八有下午茶，所以就來試下啦，一坐下服務員就放下水，例湯，泡菜，泡菜實在好食，由入口辣之後咬落爽脆，菜的甜味亦食得出，我喜歡保留菜的原味和爽脆的泡菜，不是醃得太耐，軟晒無晒口感，例湯有很多材料，魚乾仔，洋蔥，大蔥，紅羅白，海帶……胡椒味。今日叫左傳統的雜錦拌飯，可能因為夏天，改用銀盤盛起，感覺店主幾細心，拌飯同一碟醬一同到達，賣相很不錯，半生熟雞蛋剛好拌飯，而飯用左珍珠米，雞肉，豬肉，牛肉都碎上，加上波菜，芽菜，青瓜絲，醬汁方面，可以再辣一些，味道太港feel啦，以為是海鮮醬，甜過多，荔枝梳打，味道正常，仲有一粒新鮮荔枝，賣相都唔錯，總括$48一個下午茶，同午餐一樣份量，無話細左，真心覺得扺食。而且味道都很好有水準。