友義氣‧酸菜魚 (已結業)

真係好鐘意食酸菜魚🐠🐠好香呢個菜式係超級好送飯🥰🥰🥰餐廳好細心 有多種唔同嘅辣俾我哋選擇等唔食得辣嘅我都可以好好享受呢味餸酸菜魚一上枱就好大碟 啲魚好滑魚骨唔算多 好濃味🥰啲湯真係好好飲 唔覺意就已經食晒成碗白飯 入邊啲配菜好足夠 有芽菜 薯粉同埋金菇除咗魚好滑嘅口感之外配菜都令到成碟餸嘅口感增加 成碟魚真係好大碟 就算只係標準嘅size 我同朋友兩個人都差啲食唔晒🙈🙈跟住就到同大家推介咕嚕肉❤️講真好多地方都可以食到咕嚕肉但要整得好食真係唔容易有啲炸粉太過多或者肉太乾😖都會令到咕嚕肉嘅質感變得唔好但係呢度嘅咕嚕肉就做得啱啱好佢哋揀嘅豬肉有肥有瘦 食落好香口炸粉只係輕輕鋪咗一層 醬汁嘅甜酸度啱啱好 仲有一整排新鮮菠蘿又好睇又好食 好甜好好味平時罐頭菠蘿真係冇得比🙈❤️