百份百餐廳 (交通廣場) (已結業)

向元朗又過咗午飯時間，除咗可以揀下午茶餐以外，仲可以選擇全日都有嘅常餐(全日餐)。今日唔想食即食麵，所以我揀咗沙爹牛肉湯意粉，配蒜香牛油多士及炒旦，加$6升級蜜桃草莓奶。炒蛋炒得剛好，唔會炒到乾晒，多士仲係熱、香脆👍🏻沙爹牛肉的牛肉唔會好硬，份量都有5-6塊，沙爹醬夠味湯意粉嘅意粉唔會煮到淋哂，湯底似係忌廉雞湯👍🏻食這個湯意粉我推介要落辣椒油，因為這店嘅辣椒油係幾香且辣。蜜桃草莓奶唔係唔好味，係太甜，甜到要加水🤦🏻‍♀️整體除咗杯飲品唔得之外，成個餐以基本價$48係性價比高。