影片
更多
2018-02-04
189 瀏覽
返完教會，諗住搵啲嘢食醫下肚，經過就見到呢間沁沁麵，d 嘢食都幾有特色～有別於一般既麵店，一於入去試下先😛。今日勁凍，真係好想試人蔘雞湯麵，不過感冒癈事食d 咁補既野，掙扎左一輪😭最後叫左個"大胃王秘汁撈麵"。 勁搞笑～隔離枱有個小妹妹食完個人蔘雞麵，臨走果時佢爸爸問佢你唔係有野同廚師叔叔講咩😂原來妹妹想講：個麵好好味啊要讚下你🤣。價錢方面都幾平，小食都幾特別，不過飲品選擇真係唔係好多。今日太凍了，真係好想飲熱野，但熱飲只有羅漢果茶，不是人人合適。✨大胃王秘汁撈麵（$48): 都幾大碟，材料全部打孖上，真係好豐富，滷水色澤一流。先試下個上海拉麵，軟硬度啱啱好帶點韌度，個滷水汁真係幾正👍🏻味道甜甜地。✨豆卜有兩大舊，索晒汁超正的，不過太多汁食到第二舊有D咸，要渣番d 汁出黎先食。✨東菇超厚肉，毫不嗇吝大大舊，好腍好入味。✨雞翼同樣入晒味，肉質仲幾嫩滑唔會老👍🏻✨腸仔仲切左花添，好cute。✨唯一最差係個豬扒，好乾好瘦，肉質無彈性。西蘭花亦略為太生, 個人黎講鍾意稍為熟番d。✨滷水溏心蛋（$8): 雖然似半熟蛋多過溏心蛋，不過勝在入到滷水咸味。✨呢個麵真係幾抵食超飽肚，除左個豬扒扣分同埋個
今日勁凍，真係好想試人蔘雞湯麵，不過感冒癈事食d 咁補既野，掙扎左一輪😭最後叫左個"大胃王秘汁撈麵"。
勁搞笑～隔離枱有個小妹妹食完個人蔘雞麵，臨走果時佢爸爸問佢你唔係有野同廚師叔叔講咩😂原來妹妹想講：個麵好好味啊要讚下你🤣。
價錢方面都幾平，小食都幾特別，不過飲品選擇真係唔係好多。今日太凍了，真係好想飲熱野，但熱飲只有羅漢果茶，不是人人合適。
✨大胃王秘汁撈麵（$48): 都幾大碟，材料全部打孖上，真係好豐富，滷水色澤一流。先試下個上海拉麵，軟硬度啱啱好帶點韌度，個滷水汁真係幾正👍🏻味道甜甜地。
大胃王秘汁撈麵
$48
12 瀏覽
0 讚好
0 留言
✨豆卜有兩大舊，索晒汁超正的，不過太多汁食到第二舊有D咸，要渣番d 汁出黎先食。
豆卜
9 瀏覽
0 讚好
0 留言
✨東菇超厚肉，毫不嗇吝大大舊，好腍好入味。
東菇
5 瀏覽
0 讚好
0 留言
✨雞翼同樣入晒味，肉質仲幾嫩滑唔會老👍🏻
雞翼
1 瀏覽
0 讚好
0 留言
✨腸仔仲切左花添，好cute。
✨唯一最差係個豬扒，好乾好瘦，肉質無彈性。西蘭花亦略為太生, 個人黎講鍾意稍為熟番d。
✨滷水溏心蛋（$8): 雖然似半熟蛋多過溏心蛋，不過勝在入到滷水咸味。
✨呢個麵真係幾抵食超飽肚，除左個豬扒扣分同埋個秘汁食食下偏咸左d，如果稍作改良，絕對係高水準之作。呢個汁應該滷埋牛筋，牛𦟌或者用其他材料去replace個豬扒, 一定更加吸引！
下次一定要帶多個人黎試下d小食同埋佢個人蔘雞湯麵😚。
題外話/補充資料：
今日得十度，坐正門口位真係好凍，度門仲要打開😖請為你的食客貼心多一點。
(以上食評乃用戶個人意見 , 並不代表OpenRice之觀點。)
張貼
