感 (已結業)

慶祝朋友生日，要攪攪新意思，最近韓風吹得咁勁，個個去食韓式燒肉，我地就食下韓式五層海鮮塔，一個塔$788，有三至四人份量，一黎到我地就眼定定一齊等15分鐘，因為整個塔要在我地面前明火15分鐘先有得食。滿心期待，開餐了，頂樓係海蝦，好鮮甜，每人有5隻左右。落一層就係扇貝同鮑魚，鮑魚好鮮好彈牙。帶子得得三隻，如果4位就唔夠分！第三層係花甲，滿滿既一層，不過花甲肉變到好細粒，仲有d硬。估計應該出場前廚房將佢同帶子+鮑魚掉轉咗位，攪到佢蒸過咗龍。第四層，係蟹，有三隻，蟹肉好鮮甜，雖然無膏但者好味。最後一層係人參雞湯，幾特別，有小小海鮮味，湯好甜！大家記得要試最尾那碗，是精華所在超濃味