串夠味

營業中

休息中

原來已經5年冇嚟過，今次原班人馬再去，食個痛快。首先我哋一早預訂咗舖頭出邊嘅位置，喺涼風之下食住串燒，一樂也。5人前瘋狂叫嘢食，其實全部食物都達到水準，當中我個人比較欣賞嘅係煷厚切牛舌，燒鱔，燒吞拿魚下巴，同埋鹽燒雞翼。牛舌我哋總共嗌咗4串，食到停唔到口。老闆仲認得我哋，同埋隔籬枱食客一齊有傾有講，好開心，已經好耐冇呢種開心嘅氛圍，值得一讚👍🏻以前我哋好鍾意飲佢嘅龍眼水，唔知係咪年紀大咗😂，今次飲就覺得太甜。另外都叫咗生啤🍺，送串燒簡直絕配。