影片
更多
2022-11-18
1064 瀏覽
Happy Friday Lunch食好西 牛頭角5星星推介！午餐時間同埋班同事去試下新野入去餐廳環境還可以 冷氣凍到我懷疑人生！如果你平時係瞓開殮房就岩晒你，入到去隨便坐當係自己屋企得架喇！今日我就唔想食飯同意粉，咁就試下佢個All day breakfast啦，非常推介！依間All Day Breakfast嘅特式係我依世人食得最獵奇嘅一餐。冇睇錯呀，咁嘅份量係午餐黎，一定係見我凸左肥仔奶想我減肥，真係用心良苦！ 等我介紹下碟先你睇下，幾大隻碟，幾驚裝唔晒D食物。等我數下有咩野食先有2隻荷包蛋2條腸仔 你睇下幾樣衰！點解佢又我知最鐘意食咁樣衰嘅腸仔嘅！！沙津真係最無特式，同其他餸業比較真係爭少少。無用任何醬料，淨係食到濃厚青菜味，真係好pure 好true 好健康呀！我有一刻感受到食草動物嘅樂趣。個杯茄汁豆真係好新鮮非常juicy，感覺到廚師開罐頭手勢非常之純熟專業！嗱嗱嗱 知你等左好耐！等緊打大佬係咪？要介紹下個2片巨型蒜蓉包，有成1/3隻蛋咁大我數口就差d，我目測大約1，2呎長咁上下。今次又點估到佢個蒜蓉包真係有蒜蓉味，本來期待已久會有獵奇嘅感覺，可惜！可能我個口實在太大，我用
午餐時間同埋班同事去試下新野
入去餐廳環境還可以 冷氣凍到我懷疑人生！
如果你平時係瞓開殮房就岩晒你，入到去隨便坐當係自己屋企得架喇！
今日我就唔想食飯同意粉，咁就試下佢個All day breakfast啦，非常推介！
依間All Day Breakfast嘅特式係我依世人食得最獵奇嘅一餐。冇睇錯呀，咁嘅份量係午餐黎，一定係見我凸左肥仔奶想我減肥，真係用心良苦！
等我介紹下碟先
你睇下，幾大隻碟，幾驚裝唔晒D食物。
等我數下有咩野食先
有2隻荷包蛋
2條腸仔 你睇下幾樣衰！
點解佢又我知最鐘意食咁樣衰嘅腸仔嘅！！
沙津真係最無特式，同其他餸業比較真係爭少少。無用任何醬料，淨係食到濃厚青菜味，真係好pure 好true 好健康呀！我有一刻感受到食草動物嘅樂趣。
個杯茄汁豆真係好新鮮非常juicy，感覺到廚師開罐頭手勢非常之純熟專業！
嗱嗱嗱 知你等左好耐！等緊打大佬係咪？
要介紹下個2片巨型蒜蓉包，有成1/3隻蛋咁大
我數口就差d，我目測大約1，2呎長咁上下。今次又點估到佢個蒜蓉包真係有蒜蓉味，本來期待已久會有獵奇嘅感覺，可惜！可能我個口實在太大，我用左1啖半就食晒。
得喇！知我好長氣 ！最後最後 真係最後喇！
因為間舖疑似開起殮房入面嘅關係，食完咁豐富嘅食物，杯即熱磨咖啡已經眼前一黑凍死左轉世變左做凍咖啡。個味道似係9點鐘返工沖完放低，但老闆捉你開到12點然後先得閒飲番你杯咖啡嘅感覺。
最後埋單收我$78，仲要加埋一只係要$85咋！！！幾抵死 幾抵食！！！真係好Happy Friday呀！！
真係岩晒想減肥嘅你地黎食呀，食完感覺好似瘦左幾磅出去。我極度懷疑我中左幻術，我食完野好似冇食過咁，依依不捨咁離開，仲流左2滴眼淚，因為我知道今生今世都食唔番咁嘅味道！！
5星星推介！
All Day breakfast (人生總要食一次)
$85
85 瀏覽
0 讚好
0 留言
題外話/補充資料：
如果邊位巴打絲打想同你朋友絕交 或者
想同你男女朋友s/老公s老婆s 想分手但又講唔出口，一定帶要佢黎食一鑊金嘅！ 包掂！
(以上食評乃用戶個人意見 , 並不代表OpenRice之觀點。)
張貼
