燕記小食

營業中

休息中

上星期去完拜山, 之後落左油塘食野見到門口大大張寫住5蚊12粒魚蛋，所以就試下一行埋去，個男的老闆即刻叫我地坐底，又問我地食咩佢好有禮貌，而且笑容好夠，仲好好客介紹完Ｄ野食比我地，雖然我地冇試到，佢都冇黑面，仲話下次有機會再來間店好細，我地係出面坐全間小店只有３張桌子～等左一陣，終於有魚蛋了真係12粒，雖然好細粒，不過都好夠味，而且都好彈口，唔似出面有Ｄ魚蛋好粉份量不多，最岩有少少口痕的時候食～不過如果Ｄ汁再濃Ｄ更好～建議大家口痕痕可以不妨用5蚊來試試～　呢度仲有其他好多不同種類的食物，例如豌仔翅，腸粉等等