The Coffee Academics (駿逸峰) (已結業)

$128嘅avocado toast。一塊手掌咁大嘅麵包 ，半個牛油果蓉，幾塊菜葉，一隻蛋。絕對係5分鐘內可以食完嘅lunch。啱晒無時間食lunch嘅上班族。而且食完絕對唔會有飽嘅感覺，最啱減肥嘅女仕。調味係片檸檬同辣椒碎，絕無其他添加。我唔可以話佢難食，只可以話佢夠晒天然同非常有別於一般Avocado toast。Poached egg (水波蛋) 係好完美地100%全熟嘅烚蛋。真係100歲唔死日日都學到新嘢，原來水波蛋真身係咁樣樣嘅。等我自己煮poached egg時仲傻傻哋堅持要煮到佢流汁tim。我錯了。好完美嘅一個lunch。我決定比佢滿分2星。