影片
更多
2018-07-06
488 瀏覽
記得酒泉既壽司係大件又扺食，突然心血來朝就想懷舊下，好彩趕得切下午茶時段。吞拿魚沙律壽司($5)同芥辣八爪魚壽司($6)正常。螺肉壽司($5)睇落比較沉色，都係正常質素。海膽壽司($10)都有海膽味，略嫌太少海膽，賣相有d寒酸，不過$10都算扺食，可一過海膽癮。中華海哲壽司($6)比較少見到尼款壽司，就係將海哲放係壽司上，海哲幾好味，幾開胃，不過同壽司唔太夾。辛辣蜆肉壽司($7)無醬汁，比較乾身，的確好有辛辣味，都幾過癮。澳洲帶子壽司($8)同日本帶子壽司($8)兩款帶子壽司都鮮甜美味，$8抵食。三文魚壽司($8)同三文魚腩壽司($10)雖然好長，但只係超薄切，壽司飯都夠大件，整體ok，三文魚腩比三文魚好食。廣島蠔壽司($8)太多䓤，唔太食到蠔味。大赤貝壽司($7)同火焰蟹棒壽司($8)正常。玻璃蝦壽司($6)只係將玻璃蝦薄片切左，普通。油甘魚壽司($12)充滿油甘魚味，好食。鰻魚壽司($16)夠長，肥美，正。松葉蟹膏壽司($16)蟹膏幾有蟹膏味，但只有一小撮蟹膏配大粒蟹柳，就有d小家，同價錢唔成正。比蟹膏應該先係主角，或者應叫改做蟹膏蟹柳壽司。活赤貝壽司($25)鮮甜，比大赤貝好味，
吞拿魚沙律壽司($5)同芥辣八爪魚壽司($6)正常。螺肉壽司($5)睇落比較沉色，都係正常質素。海膽壽司($10)都有海膽味，略嫌太少海膽，賣相有d寒酸，不過$10都算扺食，可一過海膽癮。
中華海哲壽司($6)比較少見到尼款壽司，就係將海哲放係壽司上，海哲幾好味，幾開胃，不過同壽司唔太夾。辛辣蜆肉壽司($7)無醬汁，比較乾身，的確好有辛辣味，都幾過癮。
澳洲帶子壽司($8)同日本帶子壽司($8)兩款帶子壽司都鮮甜美味，$8抵食。三文魚壽司($8)同三文魚腩壽司($10)雖然好長，但只係超薄切，壽司飯都夠大件，整體ok，三文魚腩比三文魚好食。廣島蠔壽司($8)太多䓤，唔太食到蠔味。
大赤貝壽司($7)同火焰蟹棒壽司($8)正常。玻璃蝦壽司($6)只係將玻璃蝦薄片切左，普通。油甘魚壽司($12)充滿油甘魚味，好食。
鰻魚壽司($16)夠長，肥美，正。
松葉蟹膏壽司($16)蟹膏幾有蟹膏味，但只有一小撮蟹膏配大粒蟹柳，就有d小家，同價錢唔成正。比蟹膏應該先係主角，或者應叫改做蟹膏蟹柳壽司。
活赤貝壽司($25)鮮甜，比大赤貝好味，雖然價錢貴左3倍。
整體都唔錯，尼到既壽司size等於平時食既1.5件，特別係5、6蚊既壽司真係大件又扺食，質素又正常，唔會太差。最出色係活赤貝壽司，夠鮮味。如果店鋪提供熱茶壺會更好，因為食到中段d茶已經凍哂。
*如果唔係下午茶時段，就未必考慮幫襯。
張貼
