祥香園

營業中

休息中

今日喺灣仔附近經過，特登拜訪呢間由西環搬到灣仔超過50年歷史嘅茶記，好想知道呢間茶記重開變成什麼模樣。現在位於灣仔灣仔道2樓，入面面積頗大，重分咗兩個區域，一邊是充滿現代感的茶記裝修，另一邊是充滿懷舊50年代茶記情懷，牆壁上更掛滿了一幅幅珍藏的50年代香港容貌相片。今日到來時間已過了9:30，大多人都應已上班，但餐廳仍幾乎坐滿顧客，如果星期六日一定更爆喇。今日揀咗沙嗲牛肉公仔麵配司華力腸跟蛋，沙嗲味極濃，而牛肉很嫩滑，公仔麵更能做到軟硬適中，味道唔錯。而司華力腸跟煎蛋都唔夠熱，呢個位有待改進。另外叫了一個出名嘅牛油皮蛋撻，咬落去已聞到好香嘅牛油味，而且蛋撻皮很脆口，撻心的蛋充滿蛋香味，好滑溜，又唔係好甜，絕對值得一贊。