大阪日本料理 (已結業)

有一次因為同屋企人食飯嘅關係，所以就發現咗呢間大阪日本料理，原來佢哋已經開業好多年，由山林道搬咗嚟富豪酒店，雖然喺酒店入邊，但係佢哋嘅價錢都仲係好親民～ 而且佢哋嘅食物種類都非常多，有一般居酒屋食到嘅串燒、天婦羅同炸物之外，壽司同埋鐵板燒佢哋都有提供～ 七味魚翅：絕對係餐前必點嘅小食～ 如果飲酒，就更加適合。串燒方面就叫咗兩款，免治雞肉同埋非常爽口嘅牛舌芯。兩款串燒都燒到微微焦香～ 鐵板燒我就揀咗佢哋推介嘅四頭鮑魚，配牛油黑松露醬，香口之餘，鮑魚亦都非常新鮮，每一啖都係彈牙嘅感覺。大蝦爽口而且蝦頭位置佢哋都整到非常香脆。雖然佢哋有配醬汁，但我覺得就咁食已經好夠味。雜錦天婦羅有一般嘅野菜～ 比較估唔到嘅係佢有一舊天婦羅三文魚，而佢哋嘅炸醬唔會整得太厚，整體嚟講都炸得脆脆的又香口～ 而且蝦天婦羅大大隻又爽口炒野菜同炸豆腐都好合我哋心水～ 銀雪魚西京燒嘅魚肉非常之嫩滑，西京醬汁甜甜的都醒胃～ 食完埋單之後佢哋仲送咗雪糕！超滿足，而且價錢亦都唔係好貴七味魚翅自家醬免治雞牛舌芯串鐵板燒南非四頭鮑魚（牛油黑松露醬）大蝦鐵板燒雜錦天婦羅炒野菜日式炸豆腐銀雪魚西京燒