Fifty Fifty (已結業)

今日去左接朋友放學，係長沙灣呢個舊區揾野食。行過呢間叫Fifty Fifty的餐廳幾有格調又多人食，所以就入去坐低左。餐廳有提供晚餐Set，實在太多野食想試，我同朋友決定叫一份牛排同一份意粉Share。套裝包左一碗湯、一個主菜及一杯飲品。餐湯為蕃茄羅宋湯。長期口㾗的我，當然唔會放過叫小食的機會！呢份芝士著條用了新鮮炸起的粗身薯條。芝士醬用左比較重奶味的芝士，著條都幾好掛汁。呢份係「黑松露燒烤蘑菇天使面」，份量都幾大。除左燒到岩岩好Juicy的蘑菇外，意粉都用左比較靚的刨芝士。見到意粉上的黑點就知黑松露的份量都唔少！與其他餐廳唔同，呢度的意粉比較乾身，唔會比忌廉汁蓋過松露味。另外，我地都叫一份「燒美國極級安格斯西冷」，一上菜時，塊牛排非常香！此外，塊排仲要好大塊，長度係長過手板+手指。朋友唔食得太生，所以叫左7成熟。牛排唔係厚切，不過就好大塊。牛排口感唔錯，有少少咬口外，牛味都幾重。餐飲方面，我叫左杯唔洗加錢的熱奶茶。奶菜重奶味，好滑溜。朋友仔就加左$18要一壺玫瑰花水果茶。淡淡的玫瑰花味再加埋水果的鮮甜味，好Fresh！餐廳都幾多人食，有興趣的朋友記住早少少去揾位。