Fifty Fifty (已結業)

今晚OT完就打算去公司附近醫肚仔, 見到E間西餐感覺唔錯於是就入去試下!餐廳環境算大, 用左歐式休閒風格嚟怖置, 微暗光調打造半浪漫氣氛💏! 餐廳選用左無紙餐單, 所以用app睇完menu再直接向店員落單就可以😊! 小妹同朋友一人叫左一個Set Dinner一齊share食!Blue Hawaii🍹顏色幾靚, 入口微酸幾清爽, 酒味較濃!Strawberry Iced🍓🍹入口係酸酸甜甜嘅士多啤梨味冰沙, 酒味唔算濃, 仲有微微士多啤梨肉, 幾岩女仔飲!南瓜湯🥣質感十分濃稠, 有少少南瓜肉, 味道偏淡, 整體不過不失!香煎石班魚柳配法式蒜蓉蛋黃醬🐟石班魚柳賣相唔錯, 煎得幾香, 外皮焦脆, 魚味濃郁, 肉質爽嫩, 沾埋法式蒜蓉蛋黃醬, 味道更突出!炭燒澳洲豬鞍架配焦糖黃莓汁🐖豬鞍架外層焦香, 肉質軟腍易切開🔪, 色澤微微粉嫩, 口感柔軟, 沾埋酸酸甜甜嘅黃莓醬汁, 味道唔錯!是日甜品:藍莓芝士蛋糕🧀🍰芝士蛋糕口感幼滑質感實在, 細細件做飯後甜品岩岩好!