影片
更多
2021-07-18
277 瀏覽
約朋友食飯揾餐廳，睇到好多笑哈哈食評就揀呢間，打電話訂檯接聽都斯斯文文，已經期待幫襯 👍7 點去到，全餐廳無人嘅。 。 。坐咗陣朋友到都係得我哋 2 個，朋友已經問點解揾呢間 😅😅我哋叫咗薯蓉焗田螺，秘制豬筋骨同辣茄醬意大利粉。田螺一如其他食評真係無得輸，香口蒜蓉牛油加落薯蓉到，多多都食得落 🤭🤭跟住上意粉，ummm。 。 。顏色唔對嘅，原來落錯單，可惜朋友偏愛蕃茄，唔係都可以照食，餐廳即刻煮過碟，我哋要求小辣，食落好味開胃，個汁可以伴勻啲意粉，唔會分開，讚👍但個豬筋骨就不是我哋杯茶，個汁似黑椒汁，好杰身，冷氣吹吹變埋固體，豬筋骨啲肉亦都較鞋同靱，雖然大大份但真心覺得味道麻麻。飲品叫咗杯熱情果乳酪同咸檸梳打，乳酪個熱情果味唔出，青檸梳打個檸檬睇顏色唔同出面嗰啲咁深色，另無幫客人篤出味，比個膠羹唔夠力，朋友咁有用把刀去篤！其間都仲有多 2 檯客，咁多正食評唔會係打手掛? 有機會或者再試多次先 😅
7 點去到，全餐廳無人嘅。 。 。坐咗陣朋友到都係得我哋 2 個，朋友已經問點解揾呢間 😅😅
我哋叫咗薯蓉焗田螺，秘制豬筋骨同辣茄醬意大利粉。
田螺一如其他食評真係無得輸，香口蒜蓉牛油加落薯蓉到，多多都食得落 🤭🤭
跟住上意粉，ummm。 。 。顏色唔對嘅，原來落錯單，可惜朋友偏愛蕃茄，唔係都可以照食，餐廳即刻煮過碟，我哋要求小辣，食落好味開胃，個汁可以伴勻啲意粉，唔會分開，讚👍
但個豬筋骨就不是我哋杯茶，個汁似黑椒汁，好杰身，冷氣吹吹變埋固體，豬筋骨啲肉亦都較鞋同靱，雖然大大份但真心覺得味道麻麻。
飲品叫咗杯熱情果乳酪同咸檸梳打，乳酪個熱情果味唔出，青檸梳打個檸檬睇顏色唔同出面嗰啲咁深色，另無幫客人篤出味，比個膠羹唔夠力，朋友咁有用把刀去篤！
其間都仲有多 2 檯客，咁多正食評唔會係打手掛? 有機會或者再試多次先 😅
張貼
