十二味 X Bamboo Bar (德己立街)

營業中

休息中

之前食過尖沙咀嘅分店，非常好味！今日經過中環突然醒起有分店，就決定入去試吓。條隊唔算長，等咗5分鐘左右，坐樓下。叫咗個水煮牛肉同埋素菜香鍋…….等咗大約10分鐘水煮牛同兩碗飯到咗….水煮牛肉基本上只有三樣嘢，湯底，牛肉，芽菜。芫荽蔥都慳返，唔會話難食，但個廚師一定係冇心機整。食到一半就吹佢俾埋個香鍋我哋……超大碟。所謂香鍋香鍋，梗係要香先至得，唔香嘅話就變咗係辣炒雜菜，同前面一樣，唔係難食，只係個廚師將所有嘢兜埋一齊。價錢方面，喺中環來講都算係合理嘅，亦都冇加10%，lunch包嘢飲同一個前菜，都算係咁啦！只可以話一間分店好食，唔好期待第二間分店都一樣好食。就算第一間好食，唔代表下次返去都係同一個師傅。總結就係中環呢間我就唔會再返去，尖沙咀會再試。