肯德基家鄉雞 (KFC)

營業中

休息中

肯德基家鄉雞，間唔中會搞下特價，今次遇見50蚊6件雞，梗係要買嚟食啦。外賣攞走，用盒包得好完整，所以返到屋企依然都係熱辣辣，冇走樣。見到外面炸到脆卜卜的炸漿，流曬口水，佢有三件係雞鎚，另外三件係雞髀肉。先食雞槌， 今次的炸雞是原味，不辣的，但感覺比辣味好味。雞鎚的肉很滑，外層皮見到有很多胡椒粉，食落更加惹味，更加香口。雞髀肉，啖啖肉，最鍾意食，次次都搶住食，炸漿同雞鎚一樣，味道也一樣，只是大家視乎口味，喜歡食雞鎚定雞髀肉，我就喜歡食雞脾肉裏面舊軟骨。六件雞，兩個人，食每人三件，一陣間消滅了。希望肯德基得閒又要搞多啲50蚊6件雞，我一定多多幫襯。