影片
更多
2021-09-25
617 瀏覽
去完個打針團8pm係東涌解散，咁我都要食晚飯嘅。東涌其實又冇咩好食，見到eatigo 9pm 嘅萬豪中菜餐有50%off，見近近地就走咗去天際萬豪酒店啦！去到嘅時候啱啱好，入面都仲有幾枱食客，職員好有禮貌咁幫我安排咗喺窗邊嘅枱坐低，叫埋茶，就睇下食咩啦！由於我自己一個人食，就諗住簡簡單單嗌啲嘢啦。我就叫咗個叉燒，你個酸辣湯，一個炸蟹蓋，一碗白飯，同埋一個楊枝甘露。職員都好順序咁上菜，先嚟咗個酸辣湯，酸酸辣辣咁好開胃！之後就嚟過叉燒，佢會上枱嘅時候淋啲汁落啲石頭度，好有視覺效果！夠叉燒味道幾好，亦都好林。個職員仲會跟埋你叫嘅白飯俾你，個白飯好有米香，軟軟咁好正！再之後就嚟果炸蟹蓋，佢入面d餡料就唔似天龍軒嗰啲咁成個蟹蓋都係蟹肉，佢會溝咗啲白汁喺入邊，但佢新鮮整，個表層都炸到脆，好味嘅！到最後嘅甜品楊枝甘露啦，呢個好有驚喜，佢有芒果味亦都有柚嘅味道，好balance，呢個好食！一路食，望住啲飛機係你頭上面飛過，我幾時先再可以去旅行呢？
去到嘅時候啱啱好，入面都仲有幾枱食客，職員好有禮貌咁幫我安排咗喺窗邊嘅枱坐低，叫埋茶，就睇下食咩啦！
由於我自己一個人食，就諗住簡簡單單嗌啲嘢啦。我就叫咗個叉燒，你個酸辣湯，一個炸蟹蓋，一碗白飯，同埋一個楊枝甘露。
職員都好順序咁上菜，先嚟咗個酸辣湯，酸酸辣辣咁好開胃！
海參酸辣湯
23 瀏覽
0 讚好
0 留言
之後就嚟過叉燒，佢會上枱嘅時候淋啲汁落啲石頭度，好有視覺效果！夠叉燒味道幾好，亦都好林。個職員仲會跟埋你叫嘅白飯俾你，個白飯好有米香，軟軟咁好正！
叉燒
35 瀏覽
0 讚好
0 留言
再之後就嚟果炸蟹蓋，佢入面d餡料就唔似天龍軒嗰啲咁成個蟹蓋都係蟹肉，佢會溝咗啲白汁喺入邊，但佢新鮮整，個表層都炸到脆，好味嘅！
炸蟹蓋
28 瀏覽
0 讚好
0 留言
到最後嘅甜品楊枝甘露啦，呢個好有驚喜，佢有芒果味亦都有柚嘅味道，好balance，呢個好食！
楊枝甘露
32 瀏覽
0 讚好
0 留言
一路食，望住啲飛機係你頭上面飛過，我幾時先再可以去旅行呢？
張貼
