sift desserts (皇后大道東) (已結業)

之前住灣仔嘅同事介紹過，話好抵食兼好味！不過好快賣晒，今日趁放假早啲去買！去到間店好簡潔，L型玻璃櫃整齊地放滿西餅，色彩繽紛，好吸引， 前面有三個人，得一個店員，揀下款式兼包裝都要耐心等一陣！終於到我時多一個店員返店，速度即刻快好多，我揀6小件拼盤，店員會好細心在紙盒底黏上膠紙以防傾斜！其中6款西餅款有迷你裝，好精緻，標準同迷你裝並肩好有親子feel!店員攞餅時會戴一對新手套，又紙盒又紙袋，美觀衛生但唔係好環保！ 六款西餅：檸檬撻招牌朱古力蛋糕芒果蛋糕雜莓芝士餅雜莓千層脆餅朱古力焦糖撻6款我只吃了一款芒果蛋糕 ，三粒芒果肉好juicy,唔酸，中間蛋糕好鬆軟！唔會過甜，圍邊有朱古力條，蛋糕慕絲好滑，另外我同肥髀分享了一件雜莓芝士餅，外層白朱古力cream好滑，底下係芝士蛋糕，蛋糕中間係莓醬，酸酸甜甜，口感好豐富！一件迷你版真係唔夠喉！應該一個人KO 晒個拼盤先啱！ 肥髀搶到兩件，仲有兩件比了朋友吃！個個都話好好味！ 兩位店員都好有禮貌，又有笑容，唔錯！一定會再encore!