6座雲吞麵 (已搬遷) 新店位置

股災就勿估底, 真係唔知個市會跌到幾時, 唯有唔睇佢, 轉去睇團購。近年越來越多新派雲吞麵店, 佢哋嘅雲吞係乒乓波咁大, 用蝦膠做而唔用原隻小蝦。我係唔喜歡乒乓波雲吞, 因為傳统雲吞麵嘅味度, 係從兒時已經刻入腦海, 乒乓波雲吞無法代替。 買咗6座雲吞麵嘅團購。店嘅面績不大, 但乾淨整齊。佢哋嘅雲吞麵保留傳统味度, 有原隻小蝦, 幾彈牙！涼伴青瓜, 做得不錯, 爽翠好味。至於份量係同正價一樣, 唔會好似某些食店嘅團購縮晒水去揾人笨。服務方面亦不錯, 員工看來是一家人 (3 兄妹), 6座雲吞麵給我誠實傳统老舖嘅感覺。 結論 : 6座雲吞麵保留傳统雲吞麵的味度, 給我誠實傳统老舖嘅感覺！