稻香 (彌敦酒店) (已結業)

一行七人去食$1/雞，叫左3隻燒雞，脆卜卜好邪惡。楊州炒飯，大碟得嚟又好有獲氣，好食。椒鹽墨魚，d肉一咬即散，好似吾太新鮮。海味什菜煲、金銀旦莧菜，正正常常。氣鍋湯冇試、芝麻糊、芒果布甸冇試，但朋友話布甸好重香精油味。杏仁茶，杏仁味香濃，而且又夠熱。壽桃包一打，個包係大size，包皮鬆軟，美中不足系連蓉餡沒有少少旦皇。埋單$905/7位，都可以啦。但明顯人手不足，所以侍應姐姐做得比較辛苦，可幸態度仍然可以。