稻香 (恆星樓)

營業中

休息中

一行十二人到這𥚃食晚飯，酒樓位置有點難找，幸好裝修乾淨企理。$1/雞，叫左3隻，好大隻，皮脆香口啖啖肉，但味道鹹左 d。$18/位燉湯，好清，冇乜味。$398蒸花尾躉，大條，蒸得時間啱啱好。燒鵝半隻，微暖，肉質有啲奀，一般般。海皇豆腐煲，料頭嘅魷魚同蝦仁都好新鮮，但個汁就厚身左少少。炒番薯苗、節瓜甫冇試。加左白飯、夀桃包、汽水、啤酒，埋單 $1674，都抵食嘅。題外話，侍應人手不足，落單要行去收銀處自己和姐姐下單，白飯叫3個，只來了2個，但又收了3個錢，有點混亂，付款前要check 清楚。