616牛肉火鍋專門店 (星峰薈) (已結業)

616牛肉火鍋專門店 (將軍澳)將軍澳唐徳街3號星峰薈7樓702號舖今日去左將軍澳區探個朋友，一問之下原來大家都係牛肉愛好者，佢重帶左我去呢間餐廳，朋友非常推介入面既火鍋，由於我地入場既時間尚早，餐廳重有位置，職員安排左個坐位比我地之後，我同朋友二話不說地即刻揀湯底同「混醬」。估唔到呢間餐廳同一般火鍋店既醬料款式多好多。鴛鴦沙牛湯底 聽講呢種湯底係好熱門，估唔到牛骨湯既味道非常清甜，鍋入面重配上蘿蔔同牛腩，另一方面，我地就選擇咗沙嗲湯底，味道非常濃郁同埋好香沙嗲味。特選和牛盛呢個特選和牛盛果然唔簡單，包括左赤身，牛肩胛同牛腹肉，三款牛果然輕輕淥一淥已經達到入口即溶既效果，基本上唔洗沾醬已經食到好香濃既牛味。滑尾龍餐廳有教學教我地應該點食，果然好細心，滑尾龍係配上生蛋，視覺上非常加分，淥完之後重會保持滑口，正到爆。牛駝峰呢款牛肉我從來都無聽過呢個名，但估唔到咁好食，肥瘦熟中，肉質比其他牛韌，食起來既時候非常有口感。炸魚皮份量比想像中多，沒有一點油膩的感覺，加埋個沙嗲湯底輕輕淥一淥，簡直絕配啊！特選蝦滑賣相不但吸引，食落去爽口又彈牙，感覺亦都好重蝦味。一份蝦滑已經可以分成5-6舊，好抵食啊