影片
更多
2017-06-01
2814 瀏覽
呢間616已經聽過無限次，其實成日黎元朗，但因為元朗太多選擇，未必會諗起黎打邊爐。週三晚收工，等埋男朋友過左黎試下，可能係平日晚上，客人唔算好多。餐廳位置相當闊落，一邊仲係梳化位，靠近裡面就係自助調料區餐牌選擇唔多，話明牛肉火鍋專門店，真係以食牛為主。湯底只有牛骨清湯、牛雜湯底，配料方面基本上就係牛、蔬菜。牛肉嘅種類非常多，有啲連個名都未聽過，唔知乜部位，例如匙柄、挽手腩等，定價一律$48，有部分牛款式限定數量，例如封門柳、牛心椗等，相信係比較珍貴/少有嘅部位吧！梳菜類都係普通野，生菜、油麥菜、蘿蔔等，一律$18。我幾鐘意呢度嘅收費，簡單清晰。醬料每位 $10，自取。除左普通椒絲、蒜蓉、香菜，仲有自家製辛辣汁、沙茶醬等。由於第一次黎，所以我地都係望下人地食乜、點乜參考下。其實有9成人都係點呢個餐，因為個個枱面都有隻牛牛板拼盤超值套餐 $338/2人呢個套餐包括14款肉類拼盤、1客烏冬、蔬菜籃、2罐汽水、牛骨湯底、2人醬料，免加一。店員先幫我地落湯底，佢都有提醒我地如果鐘意重口味少少可以加錢轉牛雜湯底，但我地就冇轉到。牛骨湯底真係比較清淡，附有少量牛骨，另外有粟米、蘿蔔（本身單點都要18
週三晚收工，等埋男朋友過左黎試下，可能係平日晚上，客人唔算好多。
餐廳位置相當闊落，一邊仲係梳化位，靠近裡面就係自助調料區
餐牌選擇唔多，話明牛肉火鍋專門店，真係以食牛為主。湯底只有牛骨清湯、牛雜湯底，配料方面基本上就係牛、蔬菜。
牛肉嘅種類非常多，有啲連個名都未聽過，唔知乜部位，例如匙柄、挽手腩等，定價一律$48，有部分牛款式限定數量，例如封門柳、牛心椗等，相信係比較珍貴/少有嘅部位吧！梳菜類都係普通野，生菜、油麥菜、蘿蔔等，一律$18。
我幾鐘意呢度嘅收費，簡單清晰。
醬料每位 $10，自取。除左普通椒絲、蒜蓉、香菜，仲有自家製辛辣汁、沙茶醬等。
由於第一次黎，所以我地都係望下人地食乜、點乜參考下。
其實有9成人都係點呢個餐，因為個個枱面都有隻牛
牛板拼盤超值套餐 $338/2人
呢個套餐包括14款肉類拼盤、1客烏冬、蔬菜籃、2罐汽水、牛骨湯底、2人醬料，免加一。
店員先幫我地落湯底，佢都有提醒我地如果鐘意重口味少少可以加錢轉牛雜湯底，但我地就冇轉到。
牛骨湯底真係比較清淡，附有少量牛骨，另外有粟米、蘿蔔（本身單點都要18蚊嘅）
牛骨湯底
21 瀏覽
0 讚好
0 留言
之後陸續上埋其他配料，因為見份量唔係太多，我地兩個驚唔夠飽，加上見到餐牌有個自家制牛肉餃幾吸引，所以單點一客。
總結我地食完呢個餐，都唔算話太飽肚，所以試左邊款牛好食，或者需要單點。
牛板拼盤超值套餐
$338
33 瀏覽
0 讚好
0 留言
可能平時我地都有食到呢啲部位，但真正嘅名未聽過，所以唔係好分到係乜。
呢個時候，餐紙就幫到你喇，按部位mark好哂，連埋所需時間可作參考，當然啦，實際淥幾耐我地都係按自己需要而定。
14款肉類拼盤：牛朴肉、牛駝峰、腿肉、匙柄、牛心椗、牛漏酥、牛骨髓、熟牛腩、金花趾、三花腱、裹腱肉、黑百葉、胸口膀、牛腩心
點呢個餐就乜都試到啲，每款有幾片，但就唔係樣樣都好食。
比較好食、牛味較重嘅，我地覺得係牛朴肉、三花腱、挽手腩、胸口膀
牛朴肉牛味重，食落唔韌，類似平時食手切牛嘅口感；三花腱腍身，有牛味，似牛腱；至於挽手腩帶少少脂肪，食落唔會肥；胸口膀夠爽口。
匙柄薄薄一片，冇脂肪，似平時食緊嘅牛肉，不過食落都腍身唔老。
牛骨髓就比一般火鍋店嘅細條，個人喜好啦，我地鐘意食啲大大條嘅，而且呢份唔算太新鮮。
牛丸切半，唔算好彈牙。
牛腩心其實都係普通牛腩，不過不失。
黑百葉略韌；裹腱肉有少少鞋，幸好夠薄身；牛駝峰、腿肉肉質較老，冇其他款式咁好食。
自家製牛肉餃 $48
牛肉餃標榜一試難忘，個人認為普普通通，餃皮夠薄身，但變相一夾就好容易散開，所以我地特別用篩撈住黎淥。
餡料都幾豐富，類似平時食嘅牛肉球，帶少少蔥絲。
餃皮底粉漿過多，明明熟左都會好似食到一pat漿咁。
自家製牛肉餃
$48
14 瀏覽
0 讚好
0 留言
蔬菜籃夠大方，乜都有啲，金菇、油麥菜、生菜、娃娃菜等，新鮮。
如果齋食牛拼盤、蔬菜相信唔夠飽肚，所以準備左兩餅烏冬，烏冬幾好食喎，扁身煙韌。
其實國內都好流行呢種牛肉火鍋店，但佢地選擇會多啲，呢度比較單一化，平時打邊爐食開嘅丸類、海鮮、其他肉類都未有供應。
二人餐價錢相當吸引，各款牛肉都試到，方便客人試過，再選擇額外單點邊款牛部位。
份量方面，就唔算太多，如果兩個女仔應該夠，畢竟牛肉都屬於薄身，幸好有個烏冬打打底。
雖然冇收取加一服務費，但店員服務認真不俗，基本上都好熟悉牛嘅部位，主動加湯、收碟
晚上10pm後入座更優惠，全單8折冇加一。
店員仲同我地講，黎緊6月16，食番佢地嘅大名，會有唔少折扣優惠！
張貼
