666泰船麵 (仁愛街) (已結業)

某日路過新蒲崗見到有間泰國菜，門面係型格黑色為主，貼左好多老闆同明星既合照，而且個餐廳名仲要好得意叫666甘就入左去買外賣食啦～入到去見到入面裝飾得都幾靚仲要有好多特色擺設甘，我叫左一碟芝士炸蝦餅，一啖一口，芝士面經過火炙後有種炭燒既味加埋蝦餅食又幾夾甘，另外叫左一碗淨咖哩牛腩，牛腩都幾大舊，咖哩味香濃，另一個小食係炸蝦卷外層酥脆，同埋叫左兩碗金邊粉，一碗係淨牛丸金邊粉，外賣好好甘將粉同餸分開裝唔驚整淋晒d粉，牛丸細細粒但好彈牙，仲有好多粒tim,另一碗係牛肉船金邊粉，牛腩，牛丸，牛肉乜都齊，湯底濃郁。