德興酒家 (已結業)

　　今天係老媽子生日既重要日子，我地做仔女既當然要同佢食餐飯慶祝吓啦！我二姐夫知道「德興」最近推出了一個叫"心晴宴"既套餐好抵食，便決定book張檯同媽子來這裡食飯。大紅乳豬全體 - 皮薄而脆，唔錯。京式雞煲翅 - 幾多翅，但略為咸些。彩虹珊瑚蚌帶子 - 西芹好爽，帶子好食只厭細了些。玉環瑤柱甫 - 瑤柱煮得淋，唔會太干身，幾好，節瓜味道稍為唔夠鮮甜，西蘭花爽口。黃金香芒海鮮卷 - 炸得過為干身，差咁些。菌汁乳龍蝦球（伊麵底） - 龍蝦球賣相麻麻，望落似班塊，口感亦一般，但個伊麵幾好食。清蒸老虎班 - 算大條，蒸得稍稍熟過籠，但味道唔錯的。金蒜脆皮雞 - 皮薄香脆，唔太油膩，肉質嫰滑。鮮蝦荷葉飯 - 太飽了食唔落，但二家姐試了口話普通，沒什麼特別，最後打包返屋企。蓮茸桃包 - 蓮蓉餡味道ok。鮮果拼盆 - 冇咩特別。　　總結來說，六佰六十六蚊有咁多野食，又送果汁、啤酒免茶芥，味道又唔差，算係好抵食了。