謝謝儂 (東港城) (已結業)

突然間好想食擔擔麵，呢間以前都食過，算OK，見佢啱啱開門，有$68假日午市麵餐，入去試吓。除咗擔擔麵，小食我揀咗菜肉大雲吞，對個雲吞冇乜期望，嚟到個賣相幾OK，大大隻皮唔厚，欣賞佢個湯有芽菜紅蘿蔔絲仲有荷蘭豆，仲有唔少蔥花，個雲吞餡幾好味，慶幸有叫套餐。個擔擔麵普普通通，大量花生同芝麻，小小辣。如果有老人家要坐輪椅，似乎都幾方便，今日見有兩個婆婆坐輪椅入，啲侍應都好照顧。個餐$68包埋茶錢，另外再加一。