影片
更多
2024-08-21
42 瀏覽
住附近嘅朋友推薦我哋試，佢哋主打街坊生意，除咗價錢超親民之外，食物質素都好好！老闆娘仲好Nice好好傾tim🤣-見佢地太子分店出咗個A5日本鹿兒島薄和牛+夢王蛋，竟然仲係街坊價$68... 我哋即刻9衝試下☺️普通粉麵飯都係30零40蚊，午市menu仲有蔥油孖蛋雞扒飯$39…認真佛心價！即日到8月31號仲有全單88折！-🐮夢王和牛丼 $68真係震撼價！$68食到A5日本鹿兒島薄和牛，有5-6塊左右。雖然都真係幾薄切😂但真係油脂十足 入口即融蛋係用咗3年日本年度公投刺身蛋第一名既夢王蛋！！鮮橙紅色，營養豐富，香港好少見㗎！然後仲好貼心地可以揀要唔要生蛋。再撈埋個甜豉油+和牛，雖然唔係珍珠米差少少，但$68真係冇投訴🥹-🍲鮑汁冬菇花膠鍋 $68有個熱鍋一路烘住，全程熱辣辣！啲冬菇勁大塊，煮得啱啱好又入味。花膠都好淋索晒鮑汁味😙個麵叫關廟麵，食落似一般手工麵，粗粗地都幾掛到湯！整體不錯好滿足 好飽-🍵紫菜三寶湯 $44入面有魚片、花枝丸、牛丸+極多紫茶呢個真係超級欣賞！有幾可見過街既紫菜湯有咁多紫菜同咁大碗🥹粒牛丸係勁Juicy又彈牙，好香牛味，花枝丸同魚片都相當高質！女士有時唔想食太飽，就咁
-
見佢地太子分店出咗個A5日本鹿兒島薄和牛+夢王蛋，竟然仲係街坊價$68... 我哋即刻9衝試下☺️
普通粉麵飯都係30零40蚊，午市menu仲有蔥油孖蛋雞扒飯$39…認真佛心價！
即日到8月31號仲有全單88折！
-
🐮夢王和牛丼 $68
真係震撼價！$68食到A5日本鹿兒島薄和牛，有5-6塊左右。雖然都真係幾薄切😂但真係油脂十足 入口即融
蛋係用咗3年日本年度公投刺身蛋第一名既夢王蛋！！鮮橙紅色，營養豐富，香港好少見㗎！然後仲好貼心地可以揀要唔要生蛋。再撈埋個甜豉油+和牛，雖然唔係珍珠米差少少，但$68真係冇投訴🥹
-
🍲鮑汁冬菇花膠鍋 $68
有個熱鍋一路烘住，全程熱辣辣！啲冬菇勁大塊，煮得啱啱好又入味。花膠都好淋索晒鮑汁味😙
個麵叫關廟麵，食落似一般手工麵，粗粗地都幾掛到湯！整體不錯好滿足 好飽
-
🍵紫菜三寶湯 $44
入面有魚片、花枝丸、牛丸+極多紫茶
呢個真係超級欣賞！有幾可見過街既紫菜湯有咁多紫菜同咁大碗🥹粒牛丸係勁Juicy又彈牙，好香牛味，花枝丸同魚片都相當高質！
女士有時唔想食太飽，就咁飲個紫菜湯都幾唔錯🤣淨紫菜湯就$10一碗only!
-
🍤輕量版炸物(炸蜆蚧鯪魚球+炸墨魚餅) +$28 無上限追加！
炸物絕對有唔輸俾點心茶樓既水準，鯪魚球魚肉勁彈牙 蔥味好香 炸皮極薄，完全唔覺油膩。食得落既絕對推薦一試！
-
🍼脆炸鮮奶卷 $28/4件
本身已經食到勁飽，但係老闆娘極力推薦既情況下，都照order左！真係冇介紹錯，將呢餐昇華咗🥹
完全係外脆內軟，一啲都唔膩 飽到上心口都仲食到，裡面係似好滑既牛奶布甸嘅口感。不愧係順德直送名物😛
-
🥤自家製涼茶(清心火) +$10 無上限追加！
-
食物: 5/5
價錢: 5/5
環境: 3/5
服務：4.5/5
張貼