喇沙王 (已結業)

叫uber外賣，見到呢間啲相幾吸引，於是就叫了個新加波喇沙。優惠期內送檸檬茶。來到，喇沙只有3塊乾而無味既雞肉，一隻半「梅」既蝦（唔係大蝦，嗰半隻係斷咗咁係湯度浮下浮下），3塊薄薄既魚片頭同兩舊豆卜。芽菜應該有5條左右。喺menu度提及嗰啲薄荷呀，叁巴辣椒呀等等嘅香料一律欠奉。啲粉唔係喇沙河粉，係金邊粉，幼身嗰種。個湯除咗紅色辣油，實在唔知有咩喇沙味。咦，說好的檸茶，無檸檬嘅？我以為係雀巢嗰啲檸茶，點知飲落都係無味，只係冰茶一杯。其實我都明白店家搵食艱難，68蚊以中環價唔係貴，但係啲食物同飲品同menu形容相差太遠，明明做唔到嘅嘢，就唔好係menu寫出來，咁樣同違反商品說明條例無乜分別。