影片
更多
2023-08-18
203 瀏覽
近日朋友推介呢間幾出名的火鍋店有個佛跳牆火鍋，身為邊爐怪嘅我聽到之後，即刻lunchtime就要去試下，反正happy friday，無所謂啦～好欣賞餐廳都做埋午市，$68就可以試到「靚料靚湯一人火鍋麵餐」，簡單啲講就係火鍋set，揀湯、揀火鍋料、揀粉麵、揀飲品，再視乎客人胃口自行選擇追加配料。套餐有成十零款，分別主打牛肉、豬肉、海鮮等等，好幾個都幾特別，好想試呀！麵食選擇亦多，除咗常見的烏冬、一丁、米粉、拉麵等，仲有銀針粉、菠菜粗麵、番茄粗麵，我就選擇身為芫茜黨人必點的濃香芫茜麵！朋友揀咗「手切牛魔王」套餐，睇落啲牛頸脊都好吸引！我選擇咗「足料佛跳牆」餐，配料包括有鮑魚、花膠、螺片、冬菇、素翅、火腿、雞髀、生菜，果然係佛跳牆常見的配料！炸魚皮──前菜/火鍋配料，口感正常。鮑魚、螺片、花膠雖然不算好特別，但用嚟打邊爐都會有啲小興奮，質素仲幾好添！素翅分量比想像中多，而且帶有微微的彈牙口感。一開始煮芫茜麵，身邊的朋友就不斷話芫茜味好濃烈，但可惜，作為芫茜黨人的我則覺得不算好濃「茜」味。至於味道，其實都食到有啲茜味嘅，不過可以再濃啲啲。建議芫茜黨人可選擇芫茜湯底 + 芫茜麵，應該「茜」味會
好欣賞餐廳都做埋午市，$68就可以試到「靚料靚湯一人火鍋麵餐」，簡單啲講就係火鍋set，揀湯、揀火鍋料、揀粉麵、揀飲品，再視乎客人胃口自行選擇追加配料。套餐有成十零款，分別主打牛肉、豬肉、海鮮等等，好幾個都幾特別，好想試呀！
麵食選擇亦多，除咗常見的烏冬、一丁、米粉、拉麵等，仲有銀針粉、菠菜粗麵、番茄粗麵，我就選擇身為芫茜黨人必點的濃香芫茜麵！
朋友揀咗「手切牛魔王」套餐，睇落啲牛頸脊都好吸引！
我選擇咗「足料佛跳牆」餐，配料包括有鮑魚、花膠、螺片、冬菇、素翅、火腿、雞髀、生菜，果然係佛跳牆常見的配料！
炸魚皮──前菜/火鍋配料，口感正常。
鮑魚、螺片、花膠雖然不算好特別，但用嚟打邊爐都會有啲小興奮，質素仲幾好添！
素翅分量比想像中多，而且帶有微微的彈牙口感。
一開始煮芫茜麵，身邊的朋友就不斷話芫茜味好濃烈，但可惜，作為芫茜黨人的我則覺得不算好濃「茜」味。至於味道，其實都食到有啲茜味嘅，不過可以再濃啲啲。建議芫茜黨人可選擇芫茜湯底 + 芫茜麵，應該「茜」味會再濃啲！
原本以為「佛跳牆」的湯底會係比較滋補、少少藥膳感的養生湯水，但上枱後見到個湯底，感覺似係普通的豚骨湯咁，試飲一啖亦覺偏淡，點知經過各款佛跳牆配料加持之後，湯底就變得香濃，連同麵條一齊食，好正，絕對值得一試！
張貼
