I am.. bakery (已結業)

有時喺寶琳做完嘢又未到食飯時間，有啲肚餓。我都會黎呢家麵包舖買返三個麵包。買三個麵包嘅原因係因為六點後，所有麵包買二送一。麵包舖位於寶琳地鐵站對面，行出地鐵站就見到，係地舖嚟架。因為六點後買二送一既關係，選擇麵包嘅時候要非常小心，如果萬一揀都唔好食嘅，買咗三個都唔知點算。食過佢嘅蒜蓉包都幾唔錯。佢用嘅蒜蓉份量都幾夠，麵包算幾軟熟， 試過食唔晒麵包，放到第二朝早先食，一樣可以唔使焗翻都唔太硬，個蒜蓉包食起上嚟都幾重蒜蓉味。六點後＄10有3個，抵食！