Double D Burger (已結業)

係！我又去呢度食，我應該食晒佢個menu 咁滯。不過今次仍然有驚喜，就係佢哋個Big Fish Mac。$85 有8吋長魚柳包！ 講真其他地方食個fish&chips 都係咁大舊魚，都無咁平。佢舊魚炸得好好，好挺身，入面好juicy， 重要好厚肉，差唔多有成吋厚。 我一個人係食唔晒。唯一唔好係佢入面夾住個啲菜絲沙律，嘅沙律汁好水，會令到個包又啲腍，同埋會食得又啲扭覺。同埋因為真係好大個包，所以係唔容易一啖啖咁食， 要有啲技巧。不過整體嚟講係好好食，好正！今次無食overload fries, 食咗cheesy fries， 真係真材實料，好多芝士，兩個人食兩個包加呢個薯條都係勉強食得晒。