裕鵝莊 (已結業)

唔係傳統中菜裝修，得一張大圓檯，其他係2人檯嗰啲，雖然位迫咗啲，但環境都幾乾淨，洗手間同樣細同迫，只適合100磅嘅女仔入去🤣🤣，不過都好整潔👍《桃膠時疏》不過不失《燒鵝》（例）例嘅份量都唔細，有脾位，皮燒得香，肉質都幾好😋。《柚子青檸骨》好似得5件，份量就少咗啲，不過幾惹味😎。《炸鮮奶》幾好，個粉唔太厚《滷水雙拼》揀咗海蜇同掌翼，海蜇都幾辣，掌翼都算幾入味。《安格斯炒河》係幼河粉，炒得都幾鹹，麻麻👎埋單有8折，不過原來只限正價單點食品，所有飲品係正價嘅，所以分開咗2張單俾我地，over all 性價唔高。