朝

營業中

休息中

「朝」舖面唔算好大，但整齊乾淨有格調，氣氛同服務都好好，食物精緻，９點後入座仲有全單６折，非常非常抵食。今晚試咗好多……唐揚魷魚鬚：酥脆可口，魷魚唔會乾巴巴，肉質彈牙，仲有海苔既味道。帆立貝刺身：好鮮甜肥美，口感細嫩。信州味噌燒蠔：蠔唔算好大隻，但蠔肉飽滿，味噌醬汁醇厚濃郁，相當入味。牛油燒蟶子：爽口彈牙，鮮甜味美，海鮮足夠新鮮，唔需要太多既調味，都已經好好食。鹽燒白鰻串：鰻魚肥美，口感爽嫩，非常美味。朝邪惡玉子燒：同外面食開既不一樣，呢度既玉子燒細緻綿密，好軟熟。啡菇串：好香既菇味，入口爽嫩可口。日本溫室茄子仔：茄子ｂｂ樣子趣緻，賣相一流，口感細嫩爽口。豚肉露荀卷：豚肉肥瘦適中，經過燒烤，肥肉有點焦香爽口，肉質鮮嫩多汁，露荀清脆可口，口感層次豐富。芝士年糕：年糕外面有點焦香，內裡軟糯煙軔，一口咬下，有芝士溶流出黎，香濃入味。香蔥牛肉卷: 牛肉嫩滑，包裹勁多蔥，蔥香味濃郁，蔥控必定滿意。富士山柚子梳打：清新爽口，解膩解渴。