小南國 (已結業)

尋晚1行8人到屯門食晚飯，6點左右到，冇乜人，到8月多埋單，都有7、8成坐滿。雲吞雞湯1隻，個湯系好似史x生清雞湯咁嘅顏色同味，超級好吾得，一定吾好叫。樟茶鴨1隻，好香燻煙味，肉質入口扎實，但略為細隻。麻油海哲頭，爽脆又有咬口。雞絲粉皮，雞絲同麻醬都好好少，味道吾夠，墊底有些西式生菜件，好怪。粗炒，炒到色凙平均及有點獲氣，好多椰菜但就吾太見到有肉絲，菜多可以平衡一下肥膩感。嫩雞㛱麵，雞絲冇乜，個湯冇味，份量好細。生煎包，脹卜卜，包底好脆，內𥚃肉汁豐富，可以話系成餐飯最好食嘅。蒜蓉青瓜，奶油津白，小籠包，花生酥冇試。酒釀丸子，有點桂花香及好香酒味，丸子細細粒又煙煙un un 。核桃酥，有d核桃粒在內，味道清香。豆沙鍋餅，豆沙吾香，餅皮冇味，差。夀眉及鐵觀音茶是用一個茶包冲的，收$12/位，有點不成比例。用了 AE 咭有85折，埋單$1350。食物份量少及水準差，服務員吾少但叫極都冇人應，應該冇下次。