御品軒 (已結業)

被老友甩底後，唯有與老公食飯啦，見8笑1喊的食評，心想應該唔會太差。要了「姻緣」二人餐，飯麵、小食及餐飯各兩份。原盅崩沙腩河粉-除了一碗崩沙腩河外，另有一盅蘿葡牛腩湯，湯味道幾甜，蘿葡亦沒有根或渣；崩沙腩唔夠味，又唔夠腍，河粉是較寬身的沙河粉，粉條較硬唔夠滑。蟹籽水餃、鵝肝水餃撈麵-前者較好，雖然是煮熟了，仍有爆開卜卜口感；後者的鵝肝水餃，我食唔出有鵝肝，只有鹹味。撈麵有鹼水味，麵身又腍唔得爽口。小食是黑柏葉及油菜，黑柏葉就韌而不爽。如餐飲改叫甜品可當$10使用，叫了紅豆初開及一見鍾情。紅豆初開-是水牛牛奶紅豆冰雪榚，味道似雲呢拿奶色，牛奶香唔突出。一見鍾情其實是三色雪榚淋上紅豆，睇食評原是水牛奶、蕃薯及綠茶雪榚，落單是伙計說沒有蕃薯，唯有改朱古力，之後睇到啟示，原來沒有水牛奶雪榚，要改「維記」雪榚代替，早知唔改甜品。而綠茶雪榚非常難食，味道怪怪，完全沒有綠茶味。計埋我這個食評後，就是8比2的分數。