Oliver's Super Sandwiches (已結業)

由於要等香港同澳門同時落左8號先可以開船，晨咁早到左上環，成個商場都塞滿哂等上船既大陸人，好難先有個位坐底食野。去到超級三文治都要坐高枱先有位。叫左個三文魚蜆肉扁意粉同一杯illy咖啡，餐黎既，總共53蚊。三文魚蜆肉扁意粉賣相好乾但好香，見到d汁係放埋邊，撈起左都唔夠，就問人攞多d汁，由於d汁係同d三文魚同蜆肉一齊預先整好，所以後加既一大pat汁，即係多左好多三文魚同蜆肉，多多一倍既汁先可以每條意粉都俾d汁包住。蜆肉不過不失，三文魚配白汁真係一流！好味！但略嫌扁意粉煮得太熟，一d都無彈牙既口感。另外杯咖啡好好味，應該預先幫我落左奶，有陣咖啡豆燶燶地既香味，好易入口。唔太中意飲咖啡既人不妨一試。