影片
更多
2019-07-31
77 瀏覽
係8號風球下去食個炒腸粉係我嘅錯。2點半落單，20分鐘後問佢仲要幾耐，話3分鐘。等到3點都未有，再問，話要多5分鐘。問佢有咩可以即刻上，當然係佢地叫價$51嘅叉燒煎蛋飯。好啦，杯熱檸茶都變咗凍檸茶嘅時候，咁佢又話免費幫我轉（係我cheap,叫個$32茶餐），咁轉啦。過多2分鐘就嚟咗我嗰個炒腸粉啦。呢個時候係3點5分左右。我唔知係唔係我係咁吹啦，碟炒腸粉似炆腸粉多啲。佢個腸粉好健康㗎，有一條腸粉，五件叉燒，仲有大約30條洋蔥加椰菜。叉燒只係一般，但要讚啲菜幾爽口同埋碟野唔係好油嘅。用咗10分鐘食完啲好健康嘅腸粉之後，係俾錢嘅時候我決定將我嘅意見表達返比佢哋聽。我都明白8號風球唔夠人嘅，但可以話俾我知要大約幾耐我再揀過啲嘢食囉。不過又咁講，對面枱碟炸肶薯條望落好似幾好味嘅（隔離飯香？），不過又好似係等左好耐先出。其實佢個價位係敏華價，但又做唔到人地嘅質素。以茶餐廳定位，但又做法國餐廳嘅送餐時間。以嗰個價錢，新蒲崗有好多間好食過佢。
我唔知係唔係我係咁吹啦，碟炒腸粉似炆腸粉多啲。佢個腸粉好健康㗎，有一條腸粉，五件叉燒，仲有大約30條洋蔥加椰菜。叉燒只係一般，但要讚啲菜幾爽口同埋碟野唔係好油嘅。
用咗10分鐘食完啲好健康嘅腸粉之後，係俾錢嘅時候我決定將我嘅意見表達返比佢哋聽。我都明白8號風球唔夠人嘅，但可以話俾我知要大約幾耐我再揀過啲嘢食囉。不過又咁講，對面枱碟炸肶薯條望落好似幾好味嘅（隔離飯香？），不過又好似係等左好耐先出。
其實佢個價位係敏華價，但又做唔到人地嘅質素。以茶餐廳定位，但又做法國餐廳嘅送餐時間。以嗰個價錢，新蒲崗有好多間好食過佢。
張貼