麵館皇

營業中

休息中

放工突然想食上海菜飯就入左呢間食，估唔到大中伏。入去時大約 8點, 睇左陣 menu 就手機落單：瑤柱牛腩菜飯，熱奶茶。點知落完單侍應先講已經無晒飯兼唔會再煮，要我揀返麵食。夜繽紛都唔至於8點就無飯呀？不過既然都坐低左，就順佢意轉藥膳拉麵。轉個頭佢又同我講洗左茶機無得沖熱奶茶。我心諗又無，唯有聽佢講轉凍奶茶。但以上都係小事，但主菜先真係出事。首先佢上左碟得 5-6舊仔既牛腩（收緊70幾蚊）一食，臭既。我畀多次機會，食啖麵飲啖奶茶，再揀另一舊食，都係一樣既臭味。似係牛腩處理得唔好，或者調味料出事。實在太臭入唔到口，我又無理由放佢係到齋食麵。我就同侍應反映，要求幫我換炸豬扒，好在侍應都爽手幫我轉，仲計返平俾我。但！！！個炸豬扒黎到係好鞋又好咸，佢仲要淋豉油上去…不過起碼唔係臭。我見過鬼怕黑，快快手食完就閃人，埋單 $75。依加回想，我落單時既期望同最後食既野完全唔一樣，而且體驗奇差，兩款肉既質素亦唔好。銅鑼灣有其他更好食 & 抵食既選擇，完全唔推薦呢間。