柳氏家 (已結業)

剛開業時，呢間柳氏家實在太多人排隊，等瘋氣過一排之後，終於輪到我試啦…2點半黎到都要等位，等左約半小時就入座，門口reception既員工好好禮貌又靚女選左$88位60分鐘用餐時間，飲品甜品雪糕都任食。一入去就衝左去攞小食，有泡菜，芽菜，生菜，炸雞(炸雞好食，脆口唔乾身)，餃子，辣炒五花肉用黎包生菜。我個人覺得款款小食味道都唔錯。除左薯條上面既粉我唔中意。點左柳氐炒辣雞，加左$20要芝士炒飯。全程炒辣雞同炒飯有員工幫手，芝士泡菜加埋一齊食真係好好食，仲要加埋紫菜既香，如果多D紫菜就好最後太飽，無食蛋糕呢個價錢有咁既質素，我又覺得唔錯喎